Skip to main content

Category: ដៃគូសហការ

PPCBank ក្រុមហ៊ុន Kosign និងគ្រឹះស្ថានមីក្រូហិរញ្ញវត្ថុ NongHyup ចុះ MoU ដើម្បីផ្តល់ភាពងាយស្រួលដល់ការទូទាត់របស់អតិថិជន

ភ្នំពេញ ថ្ងៃទី២៨ ខែសីហា ឆ្នាំ២០២៥៖ PPCBank ដែលជាធនាគារពាណិជ្ជឈានមុខគេមួយ នៅកម្ពុជា បានចាប់ដៃសហការជាមួយក្រុមហ៊ុន Kosign និងគ្រឹះស្ថានមីក្រូហិរញ្ញវត្ថុ ណុងហឹប ហ្វាយនែន (ខេមបូឌា) ម.ក ដើម្បីនាំមកនូវដំណោះស្រាយនៃការទូទាត់ប្រាក់កាន់តែរហ័ស ឆ្លាតវៃ និងងាយស្រួលជាងមុនសម្រាប់អតិថិជន។ ភាពជាដៃគូថ្មីនេះផងដែរ នឹងរួមបញ្ចូល KHQR របស់ធនាគារ PPCBank ជាមួយកម្មវិធី WeBill365 របស់ក្រុមហ៊ុន Kosign ក្នុងការជួយឲ្យការធ្វើប្រតិបត្តិការរបស់អតិថិជនណុងហឹប ហ្វាយនែន កាន់តែមានភាពសាមញ្ញ និងប្រសិទ្ធភាពថែមទៀត។

ធនាគារ PPCBank ចាប់ដៃគូជាមួយក្រុមហ៊ុនកាមិនកូ ដើម្បីបង្កើនភាពងាយស្រួលដល់អតិថិជន ក្នុងការទទួលបានសេវាធានារ៉ាប់រង

ភ្នំពេញ៖ ធនាគារ PPCBank និងក្រុមហ៊ុនជាតិធានារ៉ាប់រងកម្ពុជា (កាមិនកូ) បានចុះហត្ថលេខាជាផ្លូវការ នូវភាពជាដៃគូអាជីវកម្ម ដើម្បីជំរុញការផ្សព្វផ្សាយ និងចែកចាយផលិតផលធានារ៉ាប់រងទូទៅ ឲ្យបានទូលំទូលាយដល់អតិថិជន តាមរយៈបណ្តាញធនាគារ។

ធនាគារ PPCBank និងក្រុមហ៊ុន Cam Chilbo ចុះអនុស្សរណៈយោគយល់គ្នាជាយុទ្ធសាស្ត្រ ដើម្បីជំរុញថាមពលកកើតឡើងវិញ និងសកម្មភាពកាត់បន្ថយការប្រែប្រួលអាកាសធាតុនៅកម្ពុជា

ភ្នំពេញ ថ្ងៃទី១៣ ខែឧសភា ឆ្នាំ២០២៥៖ ធនាគារ PPCBank និងក្រុមហ៊ុន Cam Chilbo Electric Power Co., Ltd. (Cam Chilbo) បានចុះហត្ថលេខាលើអនុស្សរណៈយោគយល់គ្នាជាយុទ្ធសាស្ត្រ ដើម្បីរួមគ្នាលើកកម្ពស់ការអភិវឌ្ឍថាមពលកកើតឡើងវិញ និងគំនិតផ្តួចផ្តើមកាត់បន្ថយឧស្ម័នផ្ទះកញ្ចក់ នៅទូទាំងប្រទេសកម្ពុជា។

ធនាគារ PPCBank សហការជាមួយក្រុមហ៊ុនLG U+ ដើម្បីគាំទ្រដល់ពលករ និងនិស្សិតកម្ពុជាដែលទៅសិក្សា និងធ្វើការនៅប្រទេសកូរ៉េខាងត្បូង

នៅក្នុងគំនិតផ្តួចផ្តើមដ៏សំខាន់មួយ ក្នុងគោលបំណងគាំទ្រដល់ពលរដ្ឋខ្មែរដែលត្រៀមទៅរស់នៅ ធ្វើការ ឬសិក្សានៅប្រទេសកូរ៉េខាងត្បូង ធនាគារ PPCBank បានចាប់ដៃគូជាមួយក្រុមហ៊ុន LG U+ ដែលជាក្រុមហ៊ុនទូរគមនាគមន៍ដ៏ធំរបស់ប្រទេសកូរ៉េខាងត្បូង ដើម្បីផ្តល់កញ្ចប់អត្ថប្រយោជន៍ដ៏ទូលំទូលាយ ដែលរួមមានការផ្តល់ជូនស៊ីមកាតដោយឥតគិតថ្លៃ និងសេវាកម្មហិរញ្ញវត្ថុតាមតម្រូវការ។ ភាពជាដៃគូនេះ ឆ្លុះបញ្ចាំងពីការប្តេជ្ញាចិត្តរួមគ្នារបស់ស្ថាប័នទាំងពីរ ក្នុងការសម្រួលដល់ការផ្លាស់ទៅរស់នៅក្រៅប្រទេសរបស់ប្រជាជនកម្ពុជា តាមរយៈការផ្តល់ឥណទានត្រៀមបម្រុង និងមធ្យោបាយទំនាក់ទំនង។

ធនាគារ PPCBank និងក្រុមហ៊ុន CheckinMe ចុះអនុស្សរណៈនៃការយោគយល់គ្នាលើសេវាគ្រប់គ្រងប្រាក់បៀវត្សរ៍

នាថ្ងៃព្រហស្បតិ៍ ទី១០ ខែមេសា ឆ្នាំ២០២៥ ធនាគារ PPCBank និងក្រុមហ៊ុន CheckinMe បានចុះអនុស្សរណៈនៃការយោគយល់គ្នា ក្នុងការផ្តល់សេវាគ្រប់គ្រងប្រាក់បៀវត្សរ៍ ដែលត្រូវបានរចនាឡើងជាពិសេស សម្រាប់ការបើកគណនីសាជីវកម្ម និង SME (សហគ្រាសខ្នាតតូច និងមធ្យម) ដើម្បីជួយសម្រួលដំណើរការសេវាបើកប្រាក់បៀវត្សរ៍ និងការគ្រប់គ្រងបុគ្គលិកកាន់តែប្រសើរ។

ធនាគារ PPCBank និងក្រុមហ៊ុនព្រូដិនសល កម្ពុជា ប្រារព្ធខួប ៥ឆ្នាំ និងពង្រីកភាពជាដៃគូដើម្បីការពារអនាគតហិរញ្ញវត្ថុរបស់កម្ពុជា

រាជធានីភ្នំពេញ ថ្ងៃទី៨ ខែមេសា ឆ្នាំ២០២៥ – ធនាគារ PPCBank និងក្រុមហ៊ុនព្រូដិនសល កម្ពុជា មានមោទនភាពក្នុងការប្រារព្ធខួបលើកទី ៥ឆ្នាំនៃភាពជាដៃគូរបស់ខ្លួន ដោយបានបន្តចុះអនុស្សរណៈនៃការយោគយល់គ្នា (MoU) រយៈពេល ៥ ឆ្នាំបន្តទៀត។ គិតចាប់ពីថ្ងៃទី២៧ ខែមេសា ឆ្នាំ២០២០ មក កិច្ចសហការនេះ បានធ្វើឱ្យលទ្ធភាពទទួលបាន សេវាធានារ៉ាប់រងអាយុជីវិតនៅកម្ពុជាមានការវិវឌ្ឍយ៉ាងខ្លាំង ដោយផ្តល់ឱ្យក្រុមគ្រួសារ នូវសុវត្ថិភាពហិរញ្ញវត្ថុ និងសន្តិភាពផ្លូវចិត្ត។

ធនាគារ PPCBank ចាប់ដៃគូជាមួយក្រុមហ៊ុនលី ហួរ អេស ប៊ី អាយ អ៊ិនសួរេន ដើម្បីផ្តល់ការការពារហិរញ្ញវត្ថុកាន់តែទូលំទូលាយសម្រាប់អតិថិជន

នៅក្នុងជំហានដ៏សំខាន់មួយក្នុងគោលបំណងលើកកម្ពស់សេវាកម្មហិរញ្ញវត្ថុសម្រាប់អតិថិជនរបស់ខ្លួន ធនាគារ PPCBank បានចាប់ដៃគូយុទ្ធសាស្រ្តជាផ្លូវការជាមួយក្រុមហ៊ុនលី ហួរ អេស ប៊ី អាយ អ៊ិនសួរេន (LHSBI) ដែលជាក្រុមហ៊ុនផ្តល់សេវាកម្មធានារ៉ាប់រងដ៏ល្បីល្បាញ និងគួរឱ្យជឿទុកចិត្តនៅកម្ពុជា។

PPCBank ចាប់ដៃគូជាមួយ Codingate Technology ផ្តល់ដំណោះស្រាយ ពាណិជ្ជកម្មអេឡិចត្រូនិច និងការទូទាត់ឌីជីថលកាន់តែងាយស្រួល សម្រាប់សហគ្រាសធុនតូច និងមធ្យម

ធនាគារ PPCBank មានមោទនភាពក្នុងការប្រកាសអំពីកិច្ចសហការជាយុទ្ធសាស្រ្តរបស់ខ្លួន ជាមួយក្រុមហ៊ុន Codingate Technoloy ដែលជាក្រុមហ៊ុនបច្ចេកវិទ្យាឈានមុខគេក្នុងប្រទេសកម្ពុជា ដើម្បីផ្តល់ដំណោះស្រាយទៅលើពាណិជ្ជកម្មអេឡិចត្រូនិក និងសេវាកម្មទូទាត់ឌីជីថល សម្រាប់ពាណិជ្ជករ។

ធនាគារ PPCBank និងបុរីវិមានភ្នំពេញ ចាប់ដៃគូផ្តល់ជូនជម្រើសឥណទានគេហដ្ឋានដែលមានភាពបត់បែន

វាជាការវិវឌ្ឍថ្មីដ៏គួរឱ្យរីករាយសម្រាប់អតិថិជនដែលទិញគេហដ្ឋាននៅកម្ពុជា ខណៈធនាគារ PPCBank បានចុះអនុស្សរណៈយោគយល់គ្នា (MoU) ជាមួយបុរីវិមានភ្នំពេញ ដែលជាក្រុមហ៊ុនអភិវឌ្ឍន៍លំនៅឋាន ឈានមុខគេ ដើម្បីផ្តល់នូវជម្រើសឥណទានគេហដ្ឋានដែលមានភាពបត់បែន និងមានភាពងាយស្រួល។

រំភើប! PPCBank ជា Main Sponsorក្នុងកម្មវិធីដំណើរកម្សាន្តគ្រួសារ Chevrolet

ភ្នំពេញ៖ PPCBank ដែលត្រូវបានទទួលស្គាល់ថាជាធនាគារមួយ ដែលផ្តល់ជូនដំណោះស្រាយហិរញ្ញវត្ថុ ប្រកបដោយភាពងាយស្រួលបំផុត សម្រាប់អតិថិជន មានសេចក្តីសោមនស្សរីករាយយ៉ាងខ្លាំង ដោយបានចូលរួមឧបត្ថម្ភជា Main Sponsor នៅក្នុងកម្មវិធីដំណើរកម្សាន្តគ្រួសារ Chevrolet រយៈពេល៣ថ្ងៃ ចាប់ពីថ្ងៃទី២៧ ដល់ថ្ងៃទី២៩ ខែធ្នូ ឆ្នាំ២០២៤។ ព្រឹត្តិការណ៍នេះធ្វើឡើង ក្រោមគោលបំណងបង្កើនភាពស្និទ្ធស្នាលរវាងក្រុមហ៊ុន និងអតិថិជនជាលក្ខណៈគ្រួសារ ក៏ដូចជាផ្តល់ជូននូវបទពិសោធន៍ជាក់ស្តែងក្នុងការប្រើប្រាស់រថយន្ត Chevrolet រួមជាមួយនឹងដំណើរផ្សេងព្រេងដ៏រំភើបរីករាយផងដែរ។

អនុស្សារណៈយោគយល់ថ្មីមួយរវាង PPCBank ក្រុមហ៊ុន Kosign និងគ្រឹះស្ថានមីក្រូហិរញ្ញវត្ថុ BNKC ធ្វើឲ្យការទូទាត់ប្រាក់កម្ចី របស់អតិថិជនមានភាពងាយស្រួល

ភ្នំពេញ ថ្ងៃទី២០ ខែធ្នូ ឆ្នាំ២០២៤៖ ធនាគារ PPCBank រួមជាមួយដៃគូយុទ្ធសាស្រ្តរបស់ខ្លួន គឺក្រុមហ៊ុន Kosign និងគ្រឹះស្ថានមីក្រូហិរញ្ញវត្ថុ BNKC បានចុះហត្ថលេខាលើអនុស្សារណៈ នៃការយោគយល់គ្នា ដើម្បីសម្រួលដល់ការសងប្រាក់កម្ចីរបស់អតិថិជនកាន់តែងាយស្រួល តាមរយៈការប្រើប្រាស់ប្រព័ន្ធទូទាត់ឌីជីថលរបស់ធនាគារ PPCBank ។

ឈ្នះរៀងរាល់សប្តាហ៍! ទូទាត់បែបឌីជីថលជាមួយពាណិជ្ជករអនឡាញរបស់ធនាគារ PPCBank មានឱកាសឈ្នះទឹកប្រាក់ $50

ចុងឆ្នាំកាន់តែរំភើបជាមួយឱកាសឈ្នះទឹកប្រាក់ $50 ចំនួន 10 រង្វាន់ ជារៀងរាល់សប្តាហ៍! សម្រាប់ប្រ៉ូម៉ូសិននេះ លោកអ្នកគ្រាន់តែធ្វើការទូទាត់ជាមួយពាណិជ្ជករអនឡាញ របស់ធនាគារ PPCBank តាមរយៈ PPCBank Mobile App នឹងមានសំណាងក្លាយជា អ្នកឈ្នះរង្វាន់ទឹកប្រាក់ $50 ចូលទៅក្នុងគណនីរបស់ខ្លួន។ ការផ្តល់ជូននេះ មានចាប់ពីថ្ងៃទី1 ខែវិច្ឆិកា រហូតដល់ថ្ងៃទី31 ខែធ្នូ ឆ្នាំ2024។