Category: សកម្មភាពមនុស្សធម៌

តាមរយៈកិច្ចសហការអន្តរជាតិ ដើម្បីលើកកម្ពស់សកម្មភាពមនុស្សធម៌ និងសុខុមាលភាព សហគមន៍ PPCBank ដែលជាធនាគារពាណិជ្ជឈានមុខគេមួយនៅកម្ពុជា បានជួយឲ្យប្រជាពលរដ្ឋ ខ្វះខាតចំនួន ៥៦៦ នាក់ ក្នុងខេត្តកំពត កំពង់ស្ពឺ និងកណ្ដាល ទទួលបានការពិនិត្យ ព្យាបាល និង ថ្នាំពេទ្យដោយឥតគិតថ្លៃ។ សកម្មភាពចុះពិនិត្យ និងព្យាបាលជំងឺរបស់ក្រុមគ្រូពេទ្យស្ម័គ្រចិត្តមកពី ប្រទេសកូរ៉េខាងត្បូង និងរាជធានីភ្នំពេញ ធ្វើឡើងរយៈពេល៤ថ្ងៃ ចាប់ពីថ្ងៃទី៣០ ខែតុលា ដល់ថ្ងៃទី២ ខែវិច្ឆិកា ឆ្នាំ២០២៣ ក្រោមការជួយគាំទ្រពីធនាគារ PPCBank និង Jeonbuk Bank និងមានការ សម្របសម្រួលពីមន្ទីរសុខាភិបាលខេត្ត និងអាជ្ញាធរមូលដ្ឋាន។

ភ្នំពេញ៖ ធនាគារ PPCBank សហការជាមួយមូលនិធិចក្ខុខ្មែរ (Khmer Sight Foundation) នាព្រឹកថ្ងៃទី២៦-២៧ ខែកក្កដា ឆ្នាំ២០២៣នេះ បានចុះពិនិត្យ វាស់ភ្នែក និងចែកជូនវ៉ែនតាដោយឥតគិតថ្លៃដល់ សិស្សានុសិស្ស លោកគ្រូ អ្នកគ្រូ និងប្រជាពលរដ្ឋ ប្រមាណជិត ១,៦០០នាក់ ក្រោមគម្រោង “គំហើញថ្មី ឆ្នាំ២០២៣” របស់ធនាគារ PPCBank។

ភ្នំពេញ៖ នៅថ្ងៃអាទិត្យ ទី១១ ខែមិថុនា ឆ្នាំ២០២៣ បុគ្គលិកធនាគារ PPCBank ចំនួនជាង ១០០នាក់ បានចូលរួមក្នុងទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្តរជាតិលើក ទី១១។ ព្រឹត្តិការណ៍នេះត្រូវបានចាប់ផ្ដើម និងបញ្ចប់នៅមុខព្រះបរមរាជរាំង ដើម្បីចូលរួម អបអរសាទរបុណ្យចម្រើនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ។

ភ្នំពេញ៖ ដើម្បីបង្ហាញពីក្តីស្រឡាញ់ ការផ្តល់កម្លាំងចិត្ត និងស្នាមញញឹមដល់កុមារកំព្រា នាឱកាសទិវា កុមារអន្តរជាតិ PPCBank ដែលជាធនាគារពាណិជ្ជឈានមុខគេមួយនៅកម្ពុជា បាននាំយកថវិកាចំនួន ៥,០០០ ដុល្លារ ទៅប្រគល់ជូនមណ្ឌលមែកឈើ ដែលមានទីតាំងនៅភូមិលិចវត្ត សង្កាត់កំបូល ខណ្ឌ កំបូល រាជធានីភ្នំពេញ ក្នុងនោះធនាគារក៏មានចែកជូនសម្ភារៈសិក្សាមួយចំនួនដល់កុមារកំព្រាជាង ១០០នាក់ នៅក្នុងមណ្ឌលផងដែរ។ចំនួនទឹកប្រាក់នេះ បានមកពីកម្មវិធីរៃអង្គាសរបស់ធនាគារ PPCBank ដែលបានដំណើរការពីថ្ងៃទី៣ ដល់ ថ្ងៃទី២៦ ខែឧសភា ឆ្នាំ២០២៣ ដោយធនាគារបានបរិច្ចាគទឹកប្រាក់បន្ថែម ១០០% លើទឹកប្រាក់ដែល ទទួលបានពីសប្បុរសជន និងការចូលរួមបរិច្ចាគមួយចំណែកទៀតពីហាង Socials Coffee។

ធនាគារ PPCBank ដែលជាធនាគារភ្នំពេញពាណិជ្ជឈានមុខគេមួយនៅកម្ពុជា មានសេចក្ដី សោមនស្សរីករាយបន្តឧបត្ថម្ភថវិកាចំនួន 1,000 ដុល្លារ ជូនចំពោះកាកបាទក្រហមកម្ពុជា ក្នុង​ឱកាស​អបអរ​ខួបទី 160 ​ដើម្បីរួមចំណែកគាំទ្រដល់សកម្មភាពមនុស្សធម៍​ និងបន្តពង្រឹង ភាពធន់សហគមន៍​ ​ តាមរយៈការជួយសម្រួលទុក្ខលំបាកដល់ជនងាយរងគ្រោះ ជនរងគ្រោះ ដោយមហន្តរាយ និងវិបត្តិភ័យផ្សេងៗ ដើម្បីរលើកម្ពស់ជីវភាពរស់នៅរបស់ប្រជាជន ឲ្យកាន់តែ ប្រសើរឡើង។

ទារក កុមារកំព្រា និងកុមាររងគ្រោះទាំងអស់ នៅក្នុងមណ្ឌលមែកឈើ កំពុងត្រូវការជំនួយ ពីយើងទាំងអស់គ្នា!

តាមរយៈកម្មវិធីសប្បុរសធម៌ដែលរៀបចំឡើងដើម្បីផ្តល់ក្តីស្រឡាញ់ ស្នាមញញឹម និងភាព កក់ក្តៅដល់កុមារកំព្រា ធនាគារ PPCBank សូមអំពាវនាវដល់សាធារណជនទាំងអស់ សូម ចូលរួមបរិច្ចាគថវិកាទៅតាមលទ្ធភាពរបស់បងប្អូន ដើម្បីជួយផ្គត់ផ្គង់អាហារ និងឧបត្ថម្ភដល់ កុមារដែលខ្វះខាតទាំងនេះ ឲ្យទទួលបានលទ្ធភាពរៀនសូត្រ និងការយកចិត្តទុកដាក់ដូច ក្មេងៗដទៃទៀត។

ខេត្តកំពង់ធំ ថ្ងៃទី២៨ ខែតុលា ឆ្នាំ២០២២៖ ធនាគារ PPCBank បាននាំយកអំណោយមនុស្សធម៌ចែកជូន ប្រជាពលរដ្ឋរងគ្រោះដោយទឹកជំនន់ចំនួន ១២១គ្រួសារ ក្នុងខេត្តកំពង់ធំ។ អំណោយមនុស្សធម៌ដែល ផ្តល់ជូនពលរដ្ឋរងគ្រោះនាពេលនេះ គឺបានមកពីការចូលរួមបរិច្ចាគរបស់អតិថិជន បុគ្គលិក និង សាធារណជនទូទៅ ក្រោមកម្មវិធីរៃអង្គាសរយៈពេល១០ថ្ងៃរបស់ធនាគារ PPCBank ដែលបានប្រកាស កាលពីថ្ងៃទី១៧ ខែតុលា ឆ្នាំ២០២២។

ធនាគារ PPCBank បានរៀបចំកម្មវិធីបរិច្ចាគថវិកា ដើម្បីជួយសម្រួលជីវភាពបណ្តោះ អាសន្នចំពោះពលរដ្ឋរងគ្រោះដោយសារទឹកជំនន់នៅក្នុងខេត្តកំពង់ធំ។ ជាមួយគ្នានេះដែរ អតិថិជនរបស់ធនាគារ PPCBank រួមទាំងបុគ្គលិក និងសាធារណជនទាំងអស់ដែលមាន បំណងចូលរួមជាមួយយើង អាចចូលរួមបរិច្ចាគថវិកាទៅតាមលទ្ធភាពរបស់បងប្អូន។​

(ភ្នំពេញ)៖ តាមការសន្យា កម្មវិធី “គំហើញថ្មី ឆ្នាំ២០២២” របស់ធនាគារ PPCBank បានផ្តល់លទ្ធភាពឲ្យ ប្រជាពលរដ្ឋនៅខេត្តកំពង់ធំ ដែលមកពិនិត្យភ្នែកបឋមកាលពីថ្ងៃទី ២៨ ខែឧសភា កន្លងទៅនេះ ទទួល បានការវះកាត់ភ្នែកដោយឥតគិតថ្លៃ។ ដោយមានកិច្ចសហការជាមួយមូលនិធិចក្ខុខ្មែរ (Khmer Sight Foundation) ប្រជាពលរដ្ឋដែលមានជីវភាពខ្វះខាតជាង ២០០នាក់ បានទទួលការពិនិត្យភ្នែករករោគ វិនិច្ឆ័យ ក្នុងនោះអ្នកជំងឺជាង ២០ នាក់ តម្រូវឲ្យមានការព្យាបាលដោយការវះកាត់នៅទីក្រុងភ្នំពេញ ក្រោមការចំណាយទាំងស្រុងពីធនាគារ PPCBank។

ភ្នំពេញ ថ្ងៃទី២១ ខែមិថុនា ឆ្នាំ២០២២៖ធនាគារ PPCBank បានចុះហត្ថលេខាលើ អនុស្សារណៈយោគយល់គ្នា (MoU) ជាមួយបណ្ឌិត្យសភាបច្ចេកវិទ្យាឌីជីថលកម្ពុជា (CADT) ស្តីពីការផ្តល់កម្មវិធីហាត់ការដល់និស្សិត CADT។ បន្ថែមពីលើនេះ ធនាគារបាន ធ្វើការប្រគល់ទឹកប្រាក់ចំនួន ៥,០០០ដុល្លារ ផងដែរ ដើម្បីប្រើប្រាស់ក្នុងការផ្គត់ផ្គង់សម្ភារ សិក្សារបស់និស្សិត ក៏ដូចជាបំពេញតម្រូវការខ្វះខាតមួយចំនួនរបស់សាលា។

ខេត្តកំពង់ធំ ថ្ងៃទី២៨ ខែឧសភា ឆ្នាំ២០២២៖ ធនាគារ PPCBank សហការជាមួយមូលនិធិចក្ខុខ្មែរ (Khmer Sight Foundation) រៀបចំកម្មវិធីពិនិត្យ និងព្យាបាលភ្នែកឥតគិតថ្លៃដល់ប្រជាពលរដ្ឋ ខ្វះខាតរាប់រយនាក់ ដែលមានជំងឺភ្នែកឡើងបាយ និងភ្នែកកន្ទុយថ្លែន ក្រោមគម្រោង “គំហើញថ្មី ឆ្នាំ២០២២”។

ធនាគារភីភីស៊ីប៊ែង បានសម្ពោធ​អគារ​ថ្មី​មួយ​មាន​បន្ទប់​រៀនចំនួន 5 សម្រាប់​សិស្ស​សាលា​បឋមសិក្សា​ទន្លេ​អុំ។ អគារនេះត្រូវដាក់សម្ពោធឱ្យប្រើប្រាស់ជាផ្លូវការនៅថ្ងៃទី 24 ខែកុម្ភៈ ឆ្នាំ 2022។ ធនាគារភីភីស៊ីប៊ែង បានចូលរួមឧបត្ថម្ភសាងសង់អគារសិក្សានេះឡើង ក៏ព្រោះយល់ឃើញថា ការអប់រំគឺជាមូលដ្ឋានគ្រឹះដ៏សំខាន់សម្រាប់ការអភិវឌ្ឍប្រទេសជាតិ ដែលជួយជំរុញសេដ្ឋកិច្ច កាត់បន្ថយភាពក្រីក្រ និងធ្វើឳ្យសីលធម៌សង្គមមានភាពប្រសើរ។