ភ្នំពេញ ថ្ងៃទី២៥ ខែតុលា ឆ្នាំ២០២២៖ ធនាគារ PPCBank និងមជ្ឈមណ្ឌលកូរ៉េ សហ្វវែរ អេច អ ឌី (Korea Software HRD Center) នៅថ្ងៃនេះ បានប្រកាសជាផ្លូវការភាពជាដៃគូ ដើម្បីសហការលើផ្នែកអភិវឌ្ឍន៍ ជំនាញព័ត៌មានវិទ្យា និងផ្តល់ឱកាសការងារសម្រាប់និស្សិត។
កិច្ចព្រមព្រៀងរវាងភាគីទាំងពីរ ក៏រួមបញ្ចូលនូវការរៀបចំព្រឹត្តិការណ៍នានារបស់សាលា ការតាំងពិព័រណ៍ ការងារ និងវគ្គចែករំលែកចំណេះដឹងផ្សេងៗផងដែរ។
ចំណុចសំខាន់នៃកិច្ចព្រមព្រៀងនេះ កើតចេញពីការមើលឃើញនូវភាពចាំបាច់ក្នុងការបង្កើនចំនួនអ្នក ជំនាញព័ត៌មានវិទ្យានៅកម្ពុជា និងជាគំនិតផ្តូចផ្តើមថ្មីមួយទៀតដែលស្របទៅនឹងកម្មវិធីទំនួលខុសត្រូវ សង្គមរបស់ PPCBank ក្នុងការបង្កើតឱកាសការងារឲ្យបានច្រើនតាមដែលអាចធ្វើទៅបានសម្រាប់ យុវជន។
ថ្លែងក្នុងពិធីចុះហត្ថលេខាដែលបានធ្វើឡើងតាមប្រព័ន្ធវីដេអូពីចម្ងាយនេះ លោក Lee Jinkyu នាយក ជាន់ខ្ពស់នៃធនាគារ PPCBank បានឲ្យដឹងថា៖ “អ្វីដែលធនាគារ PPCBank ចង់ធ្វើនិងចង់ឃើញ គឺការ ចូលរួមជួយសង្គមតាមរយៈការផ្តល់អាហារូបករណ៍ ការចុះកម្មសិក្សា និងការផ្តល់ការងារជាដើម។ល។”។
លោកបានបន្តទៀតថា៖ “យើងនឹងស្វាគមន៍ការចូលរួមអភិវឌ្ឍជំនាញរបស់និស្សិតនៃមជ្ឈមណ្ឌលកូរ៉េ HRD ក៏ដូចជាផ្តល់ឱកាសសម្រាប់សិស្សនិស្សិតនៅកម្ពុជា ក្នុងការសម្រេចបាននូវអាជីពដែលពួកគេ តែងតែស្រមៃចង់បាន ជាពិសេសផ្នែកព័ត៌មានវិទ្យានេះតែម្តង។”
លោក ចិន ភីរម្យ នាយករងនៃមជ្ឈមណ្ឌលកូរ៉េ HRD បានបង្ហាញនូវក្តីសោមនស្សរីករាយចំពោះពិធីចុះ ហត្ថលេខានេះ ព្រមទាំងបានគូសបញ្ជាក់ថា៖ “ការចាប់ដៃគូរវាងមជ្ឈមណ្ឌលកូរ៉េ HRD និងធនាគារ PPCBank នឹងអាចបំពេញតម្រូវការឲ្យគ្នាទៅវិញទៅមក តាមរយៈការកសាងធនធានមនុស្សជំនាញ ព័ត៌មានវិទ្យាដែលមានសមត្ថភាព ដើម្បីឆ្លើយតបទៅនឹងតម្រូវការទីផ្សារ។”
គួរបញ្ជាក់ផងដែរថា ក្រោមកិច្ចព្រមព្រៀងជាដៃគូនេះ PPCBank នឹងផ្តល់ឱកាសប្រកបដោយផ្លែផ្កាមួយ សម្រាប់និស្សិត HRD ទទួលបានការងារល្អ និងការពង្រឹង និងពង្រីកអភិវឌ្ឍន៍ចំណេះដឹងរបស់ខ្លួន ជាមួយធនធានដ៏មានទេពកោសល្យ និងស្វាហាប់របស់ធនាគារយើង។