ជាមួយនឹងការប្តេជ្ញាចិត្តយ៉ាងខ្ជាប់ខ្ជួន ក្នុងការលើកកម្ពស់សារៈប្រយោជន៍នៃការសន្សំប្រាក់ និងលើកទឹកចិត្តប្រជាពលរដ្ឋគ្រប់រូប ឲ្យមានការកសាងអនាគតហិរញ្ញវត្ថុកាន់តែរឹងមាំ ធនាគារ PPCBank មានមោទនភាពដែលបានចូលរួមឧបត្ថម្ភក្នុងនាមជា Gold Sponsor នៃព្រឹត្តិការណ៍ ទិវាសន្សំអាស៊ាន ឆ្នាំ២០២៤ នាថ្ងៃទី៣១ ខែតុលា នៅខេត្តកំពង់ស្ពឺ ក្រោមប្រធានបទ “សារៈសំខាន់នៃការសន្សំប្រាក់ តាំងពីវ័យកុមារ”។
ធនាគារ PPCBank តែងតែខិតខំប្រឹងប្រែងឥតឈប់ឈរ ក្នុងការជួយដល់សហគមន៍ដែលជួបការលំបាក។ ក្នុងឱកាសនេះ ពួកយើងពិតជាមានមោទនភាពដែលបានបើកគណនីសម្រាប់មន្ទីរពេទ្យជប៉ុន បន្ថែមភាពងាយស្រួលក្នុងការជំរុញការបរិច្ចាគពីមជ្ឈដ្ឋានជុំវិញតាមរយៈ KHQR និងលេខគណនីរបស់ធនាគារ PPCBank ដើម្បីផ្តល់ការថែទាំព្យាបាលដោយឥតគិតថ្លៃ និងធានាថាកុមារគ្រប់រូបទទួលបានការថែទាំសុខភាពគ្រប់ៗគ្នា។
PPCBank ជឿជាក់យ៉ាងមុតមាំថា កុមារគ្រប់រូបសមនឹងទទួលបានសុខភាពល្អ និងសុភមង្គល។ តាមរយៈការចូលរួមយ៉ាងសកម្មបែបនេះ យើងទាំងអស់គ្នាអាចរួមចំណែកផ្លាស់ប្តូរជីវិតរបស់កុមារឱ្យកាន់តែប្រសើរឡើង ជាមួយនឹងការបរិច្ចាគទាំងអស់ មិនថាតិច ឬច្រើនក្តី ការចូលរួមចំណែករបស់អ្នកជាអនាគតថ្មីសម្រាប់កុមារ។
ភ្នំពេញ ថ្ងៃទី១៤ ខែតុលា ឆ្នាំ២០២៤
៖ PPCBank ជាធនាគារពាណិជ្ជ និងសេវាកម្មឈានមុខគេមួយ នៅកម្ពុជា
បានផ្តល់លទ្ធភាពងាយស្រួលដល់ភ្ញៀវទេសចរដែលប្រើប្រាស់ Alipay
ឬកាបូបអេឡិចត្រូនិច ទូទាត់អន្តរជាតិជាង១០ ដែលជាដៃគូរបស់ Alipay+នៃក្រុមហ៊ុន Ant International និងUnionPay International
ដែលជាបុត្រសម្ព័ន្ធរបស់ក្រុមហ៊ុន China UnionPay អាចធ្វើការស្កេនទូទាត់ប្រាក់ជាមួយ KHQR នៅក្នុងប្រទេសកម្ពុជា។
ភ្នំពេញ៖ នៅថ្ងៃទី៧ ខែតុលា ឆ្នាំ២០២៤ ធនាគារ PPCBank បានចុះហត្ថលេខាលើអនុស្សារណៈនៃការយោគយល់គ្នារយៈពេល៣ឆ្នាំ ជាមួយសាកលវិទ្យាល័យ ប៊ែលធី អន្តរជាតិ ដើម្បីផ្តល់ជូនសិស្សនិស្សិតនូវឱកាសកម្មសិក្សា និងឱកាសការងារដ៏ល្អ នៅក្នុងស្ថាប័នធនាគារ។ ក្រៅពីទទួលបានឱកាសចុះកម្មសិក្សា និសិ្សតសាកលវិទ្យាល័យ ប៊ែលធី អន្តរជាតិ ដែលមានចំណាប់អារម្មណ៍ចង់បម្រើការងារនៅធនាគារ PPCBank ក៏ទទួលបានឱកាស អនុវត្តការងារជាក់ស្តែង ដើម្បីពង្រឹងសមត្ថភាព ក៏ដូចជាចំណេះដឹងស្របតាមជំនាញ របស់ពួកគេផងដែរ។
សៀមរាប ថ្ងៃទី២៥ ខែសីហា ឆ្នាំ២០២៤៖ ដើម្បីរួមចំណែកលើកកម្ពស់បរិស្ថាន និងសុខភាពរបស់កុមារកម្ពុជា ធនាគារ PPCBank មានមោទភាពដែលបានចូលរួមឧបត្ថម្ភ នៅក្នុងព្រឹត្តិការណ៍សប្បុរសធម៌ “ជិះកង់ដើម្បីបរិស្ថាន និងសុខភាពកុមារ ឆ្នាំទី១០” ដែលធ្វើឡើងនៅលើទឹកដីដ៏អច្ឆរិយនៃខេត្តសៀមរាប។ កម្មវិធីនេះ រៀបចំឡើងដោយ មន្ទីរពេទ្យកុមារអង្គរ (AHC) និងគណៈកម្មការជិះកង់ដើម្បីកម្ពុជា (CFC) ដោយមានអ្នកចូលរួមមកពីគ្រប់ទិសទីសរុបប្រមាណជាង ១.០០០នាក់។
ភ្នំពេញ ថ្ងៃទី៣ ខែកញ្ញា ឆ្នាំ២០២៤៖ – PPCBank ដែលជាធនាគារពាណិជ្ជរីកចម្រើនលឿនបំផុតមួយ នៅប្រទេសកម្ពុជា មានមោទនភាពក្នុងការជម្រាបជូនថា ធនាគារ បានបើកសម្ពោធសាខាថ្មីមួយទៀត នៅចោមចៅ តំបន់ភាគខាងលិចរាជធានីភ្នំពេញ បន្ទាប់ពីបើកដំណើរការសាខាទី២៤របស់ខ្លួន នៅតាខ្មៅរួចមក។ ការបើកសម្ពោធសាខាថ្មីនេះ បានបង្កើនសាខារបស់ធនាគារ PPCBank សរុបចំនួន ២៥ សាខា នៅក្នុងព្រះរាជាណាចក្រកម្ពុជា។
សៀមរាប៖ ដើម្បីចែករំលែកក្តីស្រឡាញ់ និងជួយលើកទឹកចិត្តដល់កុមារដែលកំពុងខ្វះខាតក្នុងការសិក្សា នាព្រឹកថ្ងៃទី៣១ ខែសីហា ឆ្នាំ២០២៤នេះ ធនាគារ PPCBank សហការជាមួយ វិទ្យាល័យព្រះស៊ីសុវត្ថិសាលារៀនជំនាន់ថ្មី បាននាំយកអំណោយសម្ភារសិក្សា ទៅចែកជូនដល់ សិស្សានុសិស្សចំនួន២៤១នាក់ នៅសាលាបឋមសិក្សាគីរីមានន្ទ ខេត្តសៀមរាប នៅក្នុងឱកាសគម្រប់ខួប ១៦ឆ្នាំរបស់ខ្លួននៅកម្ពុជា។
ភ្នំពេញ ថ្ងៃទី២៩ ខែសីហា ឆ្នាំ២០២៤៖ – ធនាគារ PPCBank រួមជាមួយភាគទុនិករបស់ខ្លួន គឺធនាគារ Jeonbuk
របស់ប្រទេសកូរ៉េខាងត្បូង និងធនាគារជាតិនៃកម្ពុជា
បានរៀបចំពិធីសម្ពោធដាក់ឱ្យដំណើរការ ជាផ្លូវការ គម្រោងទូទាត់ឆ្លងដែនតាមឃ្យូអរកូត ដំណាក់កាលទី១
(កម្មវិធីធនាគារចល័តរបស់ធនាគារ
Jeonbuk ស្កេនខេអេចឃ្យូអរកូត) រវាង សាធារណរដ្ឋកូរ៉េ និងព្រះរាជាណាចក្រកម្ពុជា ក្រោមអធិបតីភាពដ៏ខ្ពង់ខ្ពស់
លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា លោក KIM Tae Hyun នាយកប្រតិបត្តិរងនៃធនាគារ Jeonbuk និងលោក
LEE Jin
Young នាយកប្រតិបត្តិនៃធនាគារ PPCBank។
ចាប់យកឱកាសដ៏ពិសេសឥឡូវនេះ ដោយគ្រាន់តែបើកគណនីសន្សំកុមាររបស់ធនាគារ PPCBank នោះលោកអ្នកនឹងទទួលបានអត្ថប្រយោជន៍ជាច្រើនដូចជា៖
ការចូលរួមការជួសជុលកែលម្អផ្នែកខាងក្នុងនៃទីតាំងអគារការិយាល័យកណ្តាលរបស់ ធនាគារ ភីភីស៊ីប៊ែង
☛ រយៈពេលរំពឹងទុកនៃការជួសជុលកែលម្អ: ចាប់ពីថ្ងៃទី31 ខែសីហា ឆ្នាំ2024 ដល់ ថ្ងៃទី30 ខែវិច្ឆិកា ឆ្នាំ2024 (រយៈពេលច្រើនបំផុត 3 ខែ)
ការចូលរួមក្នុងការជួសជុលកែលម្អផ្នែកខាងក្នុង និង ខាងក្រៅ របស់សាខា ធនាគារ ភីភីស៊ីប៊ែង «ទីរួមខេត្តកំពង់ធំ»
☛ រយៈពេលរំពឹងទុកនៃការជួសជុលកែលម្អ: ចាប់ពីថ្ងៃទី19 ខែសីហា ឆ្នាំ2024 ដល់ ថ្ងៃទី18 ខែតុលា ឆ្នាំ2024 (រយៈពេលច្រើនបំផុត 2 ខែ)
ភ្នំពេញ ថ្ងៃទី៧ ខែសីហា ឆ្នាំ២០២៤៖ PPCBank ដែលជាធនាគារពាណិជ្ជឈានមុខគេមួយនៅកម្ពុជា រួមជាមួយដៃគូយុទ្ធសាស្រ្តរបស់ខ្លួន គឺក្រុមហ៊ុន Kosign បានចុះហត្ថលេខាលើ អនុស្សារណៈនៃការយោគយល់គ្នាជាមួយគ្រឹះស្ថានមីក្រូហិរញ្ញវត្ថុ ជោគជ័យ ហ្វាយនែន ដើម្បីសម្រួលដល់ការទូទាត់ប្រាក់ឲ្យកាន់តែមានភាពងាយស្រួលជូនអតិថិជន តាមរយៈប្រព័ន្ធទូទាត់ឌីជីថលរបស់ធនាគារ PPCBank។