ការបរិច្ចាគរបស់អ្នកគ្រប់កាក់សេននឹងជាការចូលរួមបោះជំហ៊ានទៅមុខដ៏មានសក្ដានុពល ដើម្បី សម្រេច គោលដៅ ប្រទេសកម្ពុជា គ្មានគ្រាប់យុទ្ធភ័ន្ធមិនទាន់ផ្ទុះ នៅឆ្នាំ2025។ ដោយរងការ វាយប្រហារដោយសង្គ្រាមអស់រយៈពេលជិត 30ឆ្នាំប្រទេសកម្ពុជា ត្រូវបានគេ ប៉ាន់ស្មានថាមាន គ្រាប់សំណល់ជាតិផ្ទុះ ពីសង្គ្រាមប្រមាន 4-6 លានគ្រាប់។ ជួយ សង្គ្រោះជីវិតប្រជាជន និងកុមារកម្ពុជា ដទៃទៀត ដោយចូលរួម បរិច្ចាគតាមរយៈកម្មវិធី ធនាគារចល័តភីភីស៊ីប៊ែង។
ខេត្តសៀមរាប-ថ្ងៃទី១៤ ខែមករា ឆ្នាំ2021- ធនាគារ ភីភីស៊ីប៊ែង មានសេចក្ដីសោមន្សក្នុងការប្រគល់ដីរបស់ប្រជាជនសរុបចំនួន 2.4ហិចតាដែលមានទំហំប្រហែលទៅនឹងទីធ្លាបាល់ទាត់ចំនួន2នៅខេត្តសៀមរាប។ទាំងនេះអាចប្រព្រឹត្តិទៅបានដោយមានការសហការពីអង្គការកណ្ដុរហិតមីន អាប៉ូប៉ូ។ ក្នុងប្រតិបត្តិការនេះផងដែរ យើងបានរកឃើញនិងបោសសម្អាតមីន និង គ្រាប់យុទ្ធភ័ណ្ឌមិនទាន់ផ្ទុះ ចំនួន17 ដោយប្រើកណ្ដុរហិតមីនចំនួន 12ក្បាល និងអ្នកមើលថែកណ្ដុរហិតមីនចំនួន15នាក់។
ជាមួយគ្នានឹងប្រមុខរាជរដ្ឋាភិបាល យើងបានបង្កើតយុទ្ធនាការក្នុងការបរិច្ចាគពីបងប្អូនទាំងអស់គ្នាដើម្បីទិញវ៉ាក់សំាងប្រឆាំង Covid-19 ជូនប្រជាជនកម្ពុជា។
ឈ្មោះគណនី: DONATION FOR COVID-19 VACCINATION
លេខគណនី (៛): 1-120-00033104-7
លេខគណនី ($): 1-120-00033092-0
សម្រាប់ព័ត៌មានបន្ថែម យើងនៅទីនេះសម្រាប់លោកអ្នក 24/7 តាមរយៈ Live Chat ឬទូរស័ព្ទលេខ 096 3 909 909/023 909 909។
ដោយមានការបរិច្ចាគដ៏សប្បុរសពីអតិថិជន បុគ្គលិក និងធនាគារ PPCBank ផ្ទាល់ យើងបានប្រមូលប្រាក់បានប្រមាណ ១០,០០០ ដុល្លារ ដើម្បីជួយដល់ជនរងគ្រោះដោយទឹកជំនន់នៅខេត្តពោធិ៍សាត់ និងបាត់ដំបងដោយមានការសម្របសម្រួលពីគណៈកម្មាធិការជាតិគ្រប់គ្រងគ្រោះមហន្តរាយ។ សម្រាប់បេសកកម្មទាំងពីរ យើងអាចចូលរួមបរិច្ចាគដល់ជនរងគ្រោះនូវទឹកបរិសុទ្ធសរុបចំនួន ៤០០ធុង (២០ លីត្រ/ធុង) មីចំនួន ៨៥០កេស ត្រីខចំនួន ៦០០យួរ និងទឹកត្រីចំនួន ១០០យួរ។
យើងមានសេចក្តីសោមនស្សរីករាយដោយបានចូលរួមចំណែកនៅក្នុងការជួយដល់ប្រទេសកម្ពុជាតាមរយៈទំនួលខុសត្រូវសង្គមរបស់យើង ដោយមានការចូលរួមពីធនាគារ Jeonbuk ដែលជាម្ចាស់ភាគហ៊ុនធំ របស់ PPCBank ថ្ងៃនេះយើងបើកនូវទំព័រថ្មីមួយទៀតនៃសកម្មភាពទំនួលខុសត្រូវសង្គម ដែលផ្តល់អាហារូបករណ៍ពេញលេញដល់និស្សិតចំនួន ១២ នាក់ ដើម្បីបន្តការសិក្សាថ្នាក់បរិញ្ញាបត្រនៅសាកលវិទ្យាល័យ រហូតដល់ចប់។
រាជធានីភ្នំពេញ ថ្ងៃទី២៧ ខែសីហា ឆ្នាំ២០២០៖ ធនាគារ ភីភីស៊ីប៊ែង (PPCBank) បានចូលរួមនៅក្នុងគម្រោងមនុស្សធម៌ដើម្បី បោសសំអាត និងកំចាត់មីន ជាមួយអង្គការក្រៅរាជរដ្ឋាភិបាលមួយដែល មានឈ្មោះថា អាប៉ូប៉ូ (APOPO) ដើម្បីធ្វើការបោសសំអាតជាតិផ្ទុះនៅក្នុងប្រទេសកម្ពុជា។
យើងពិតជាមានមោទនភាពក្រៃលែងដែលបានឃើញ កណ្តុរហិតមីន APOPO’s HeroRATs មួយដែលយើងឧបត្ថម្ភ ទទួលបានពានរង្វាន់មេដាយមាសពី PDSA – Saving Pets, Changing Lives សម្រាប់ការងារសង្គ្រោះជីវិត នៅកម្ពុជាជាលើកដំបូងក្នុងប្រវត្តិសាស្ត្រនៃពានរង្វាន់នេះ ។